मुक्तक
आन्दोलनका नाराहरू चारैतिर घन्किरा छन्  
युवाहरू विदेशिँदा बृद्धबृद्धाहरू थन्किरा छन्
 हकभोग खोजी गर्नु न्यायोचित मान्नु पर्छ
 दमन गर्दा मान्छे मर्दा माखाहरू भन्किरा छन्

देश लुट्नेले लुटी राछन् मोज मस्ती गरिराछन्
निम्न वर्ग रोइरहेछन् बिरोधका नारा छरिराछन्
जति बिरोध गरे पनि यहाँ सुन्नेवाला कोही छैनन्
सत्य आवाज बोलो भने प्रतिशोध नै धरिराछन्

 सत्तापक्ष प्रतिपक्ष देश हीत गर्न होला
सदनका आवाजहरू सहजता भर्न होला
सदन हेर्दा लाग्छ झगडाको मूल थलो
के को लागि सदन? भत्तामात्रै धर्न होला ।