मुक्तक – १
काँडा बिज्न सक्छ साथी कुबाटोमा हिड्दा
जे जे पनि हुन सक्छ आन्दोलनमा भिड्दा
शान्तिमय पदयात्रा हुन्छ नौनी जस्तै कोमल
कति  मर्म पर्न जाला एकले अर्कोलाई गिड्दा

मुक्तक–२
जमाना उल्टा भयो कोपिला नै निमोठिन्छन्
अनमोल कोपिलालाई अंकुरण मै उखेलिन्छन्
पलास र श्रीखण्डलाई कोही छैन चिन्नेवाला
अल्लिडको काठ सम्झी गल्लिमा फ्याकिदिन्छन्

मुक्तक–३
प्रकृतिको सुन्दरतामा सबै मोहित हुन्छन् सानु
मधुरसले टमाटम भए मधुमख्खी झुल्छन् सानु
यो संसार कुचक्र छाडी सुचक्रमा चल्नु पथ्र्यो
लेक छाडी व्याँसी रोप्दा गुराँस कहाँ फुल्छन् सानु