मुक्तक
यहाँ हेर स्वार्थी धेरै पाएसम्म लुट्छन्
स्वार्थ पूर्ति नभएमा भाषणले चुट्छन्
अघि बढ्ने मन भए शुद्ध बाटो खन
नत्र भने तिमीलाई भुट्नसम्म भुट्छन्
मुक्तक
नहान भो भकुण्डोलाई साह्रै मार खायो
चारै दिशा भाग्नलाई धाउन सम्म धायो
खुट्टामा लटपट्याउँदै किक सम्म हान्छन्
पछारिन्छ ठाउँ ठाउँमा साह्र दुःख पायो
मुक्तक
नामर्दको बुद्धिले के नै सोच्न सक्छ
हरेस नै खायो भने रक्सी नै धोक्छ
हुतिहारा नबनौ  दृढता नै बोकौं
दृढता समाए सगरमाथा बोक्छ
मुक्तक
किनहोला आज भोली कोलाहाल छाको
मार्ग दर्शकले बाटो  छाडी छाडी आको
बुर्कुसी मार्न पाए विदेश सम्म  जान्छन्
मौकामा उसको बोली अति ठूलो भाको
मुक्तक
गणतन्त्र आयो देशमा दीपवाली बल्यो
अमनचैन होला भन्दा सम्पन्नता ढल्यो
नेता हिड्छन् कुर्ली कुर्ली भै उपलब्धीहीन
गास बास कपास खोज्दैे जन मन जल्यो