लेलिन अस्ताए माओ अस्ताए

लेलिन अस्ताए माओ अस्ताए तिन्ले घाँटी सेरेकै हुन्
सर्वहारा नारा बोकी तिन्ले दरबार हेरेकै हुन्

नाङ्गै आउँछन् नाङ्गै जान्छन् साना ठूला कुनै हैनन्
जाने कर्म जारी राख्दा सबले कात्रो बेरेकै हुन्

भन्छन् सबै मेरो तेरो दुई दिनको बसाईमा
आफ्नो स्वार्थ पूर्ति गर्न सबले दरबार घेरेकै हुन्

जनता छन् सिधा साधा आश्वासनका भारी बोक्छन्
कुर्सीमाथि चढे पछि सबले बोली फेरेकै हुन्

आश्वासनको भाषण सुन्न अर्को चुनाऊ कुर्नै पर्छ
जनार्दन जनताले सबको बोली टेरेकै हुन्
२०६५/८/२०

विकृतिको महलमा

विकृतिको महलमा विकारको भण्डार हुन्छ
सज्जनको शूक्ष्मस्थल भ्रष्टको त संसार हुन्छ

मूल्य वस्तु सानै हुन्छ जस्तै आँखा नानी सरि
निर्धा बन्छन् बलत्कारी धनिकोमा बिहार हुन्छ

सौम्यताको संसारमा रम्यताको फूलबारी
गुणीको क्रीणास्थल बैगुनीलाई बेकार हुन्छ

सूर्य, चन्द्र, तारागण आफ्नै कर्म आफ्नै ठाम
प्रकृतिहीन पदयात्रा तरवारको धार हुन्छ

सत्यताको ठूलो संसार त्यसैमा रमौंँ रमाउँ
समयले आफ्नो गति लिने तारन्तार हुन्छ
                       २०६५/८/२०

खोटी भए के नै हुन्छ

खोटी भए के नै हुन्छ नोट भए पुग्छ
जनमर्का जस्तो परोस् भोट भए पुग्छ

जीवनको हरेक पल खोटी आत्मा बोल्छ
चुम्बन वर्षा वर्षाउँन ओठ भए पुग्छ

सर्वहारा हूँ म त महल चाहिदैन
क्षणिक मजा लुटाउन गोठ भए पुग्छ

आवरणमा मेरो मन कसै लाग्न जान्न
मङ्गल गर्दा खुवाउने रोट भए पुग्छ

सर्वहारा भने पनि टाईसुट कस्छु
भाँडभैलो गर्नेलाई चोट भए पुग्छ ।
                        २०६५/८/२०

जति महल सजाए पनि

जति महल सजाए पनि भित्री पथ उस्तै हुन्छ
भित्री आत्मा सजिएता प्रकाशमय पथ छुन्छ

जीवनका पाइलाहरू जति थकित भएपनि
प्रयासको वागभित्र रम्य फूल त्यस्ले चुम्छ

विश्वास हीन घेरा भित्र घर पनि मसान हो
कर्तव्यको पालन कर्ता हरिशचन्द्र बनी रुन्छ

एकलव्यको गुरु भक्ति अब कस्ले किन गर्ने
शक्तिको पूजा गर्दा सफल जाल त्यसले बुन्छ

आखिरमा सत्यता नै सबैभन्दा हुन्छ ठूलो
अमृतवाणी श्रवणमा अपवित्र सबै धुन्छ ।
२०६५/८/१५

हेर आत्म बोल्छ

आत्म बोल्छ तन तानी तानी
भाषणभो बढ्ता आएन बिहानी

भन्ने गर्थे तिन्ले हामीलाई जिताऊ
यो देशको ल्याउने छौं मस्त जवानी

कोरा ती नारा आश्वासन झुट भो
न गाँस, न कपास न भो सिरानी

घाँटी च्याती च्याती झारेको त्यो वाणी
कर्तव्यच्यूत हुनगए बनेनन् ती दानी

एथार्थमा आऊ सबै सत्य बोली बोल
सफलता हातपर्छ सबै छानी छानी ।
२०६५/८/१५

हेर मेरो नाति

हेर मेरो नाति गर्छ भाँती भाँती
हेर्न थाल्छ उस्ले कमिलाको ताँती

दिनभरि पढ्छ बेलुकामा खेल्छ
पाठ पढी सकेर अनि सुत्छ राती

सफा नाना लगाई बाबालाई फकाई
साइकलमा चढेर घुम्न मान्छ जाती

आमाआमा खान देऊ दुदु भात भन्छ
पाठशाला जानलाई खोज्छ असल साथी

असलमा असल छ सुवासिलो बानी
त्यसैले त असल छ हिड्दैन त्यो माती
२०६५/८/१५

Jaishy was listed here in this documents

1. www.reading.ac.uk/IDC/researchfiles/WP2_PolicyProcesses.pdf