जति महल सजाए पनि

जति महल सजाए पनि भित्री पथ उस्तै हुन्छ
भित्री आत्मा सजिएता प्रकाशमय पथ छुन्छ

जीवनका पाइलाहरू जति थकित भएपनि
प्रयासको वागभित्र रम्य फूल त्यस्ले चुम्छ

विश्वास हीन घेरा भित्र घर पनि मसान हो
कर्तव्यको पालन कर्ता हरिशचन्द्र बनी रुन्छ

एकलव्यको गुरु भक्ति अब कस्ले किन गर्ने
शक्तिको पूजा गर्दा सफल जाल त्यसले बुन्छ

आखिरमा सत्यता नै सबैभन्दा हुन्छ ठूलो
अमृतवाणी श्रवणमा अपवित्र सबै धुन्छ ।
२०६५/८/१५