लेलिन अस्ताए माओ अस्ताए

लेलिन अस्ताए माओ अस्ताए तिन्ले घाँटी सेरेकै हुन्
सर्वहारा नारा बोकी तिन्ले दरबार हेरेकै हुन्

नाङ्गै आउँछन् नाङ्गै जान्छन् साना ठूला कुनै हैनन्
जाने कर्म जारी राख्दा सबले कात्रो बेरेकै हुन्

भन्छन् सबै मेरो तेरो दुई दिनको बसाईमा
आफ्नो स्वार्थ पूर्ति गर्न सबले दरबार घेरेकै हुन्

जनता छन् सिधा साधा आश्वासनका भारी बोक्छन्
कुर्सीमाथि चढे पछि सबले बोली फेरेकै हुन्

आश्वासनको भाषण सुन्न अर्को चुनाऊ कुर्नै पर्छ
जनार्दन जनताले सबको बोली टेरेकै हुन्
२०६५/८/२०