गजल बचतको खोजी

कर्तव्यमा जुटी–जुटी गरौं सबै काम प्रिया
काम बिना संसारमा मिल्ने छैन माम प्रिया

चन्द्र सूर्य राष्ट्र ध्वजा यही स्वाभिमान हाम्रो
राष्ट्रप्रेम हुनै पर्छ हरेक नै याम प्रिया

संसारिक चोला हो यो हुन्छ दिन रात सधैँ
चाँदनीको वियोगमा उदाउँछन् घाम प्रिया

छाक टार्ने मात्र हैन बचतको खोजी गरौं
पसिना नै अमूल्य छ बचाउन दाम प्रिया

बल्न गयो अन्धो मन सपनीको दीप आज
,निभ्नै थाल्यो भनेपछि जपिन्छ है राम प्रिया