तातो रातो रगतले सिञ्चित छ यो छाती
ज्वारभाटा समुद्रमा उठ्छ दिन अनि राती
सपनाका धरोहर उच्चाइमा पुग्दा खेरि
संयम हामी अपनाऊँ हिड्न हुन्न माती
सद्भाव सद्गुण जीवधारीले थामौं थामौं
मौका पाएँ भनीकन गर्नु हुन्न भाँती भाँती
हामी सबै लाग्नु पर्छ सत्मार्गको यात्रा पथमा
मौका सबले पाउनु पर्छ ननिकालौं काती
मातृभूमि पृण्यभूमि जन्म दिने आमा सबै
पुण्यतीर्थ यिनै बन्छन् बन्न हुन्न कुनै घाती
No comments:
Post a Comment