गजल
विकृतिको महलमा विकारको भण्डार हुन्छ
सज्जनको सूक्ष्मस्थल भ्रष्टको त संसार हुन्छ
मूल्य वस्तु शानै हुन्छ जस्तै आँखा नानी सरि
निर्धा बन्छन् बलात्कारी उनका लागि बिहार हुन्छ
सौम्यताको संसारमा रम्यताको फूलबारी
गुणीको क्रीडास्थल बैगुनीलाई बेकार हुन्छ
सूर्य, चन्द्र, तारागण आफ्नै कर्म आफ्नै ठाम
प्रकृतिहीन पदयात्रा तरवारको धार हुन्छ
सत्यताको ठूलो संसार त्यसैमा रमौंँ रमाऔंं
समयले आफ्नो गति लिने तारन्तार हुन्छ
No comments:
Post a Comment