गजल

नबनौ विश्वासघाती

बनाऊ लौ विशाल छाती

उच्च भाव बनाऊँ जाति

क्षमताको पहिचानमा

ईश्वर साक्षी छ है ज्ञाति

भक्ति भावमा समर्पित छु

विदाइ छ नआऊ राती

संसारमा रमौँ रमाऊँ

नबनौ भो विश्वास घाती

आत्मामा छन् परमात्मा

यिनैलाई छ पूmलपाती

२०६५÷९÷११

हाम्रा नेता

हाम्रा नेता छन् क्रान्तिकारी

कुर्सी पाए किन्छन् सारी

तिनको भाषण सुन्दा खेरि

देशको विकास हुन्छ भारी

देशलाई लाने लक्ष छ कता

खेल्ने तिनले राम्रो जुहारी

देश विदेश तिनकै लागि

नभ थल तिनकै सवारी

विशाल हलचल ल्यायौ

धन्य धन्य रैछौ औतारी

२०६५÷९÷१३

झुटको खेती

यो देशमा बनाउँछन् रे जनवादी संविधान

माग्नुपर्छ दुनियाँँले आफ्नो आफ्नो थान

भाषणमा यिनले हेर सबै थोक गरिसके

बोक्रे भाषण कसले गर्छ गरौँ पहिचान

सम्झौताको कार्यान्वयन् छैन आज देशमा

झुटको खेती मौलाउनलाई कुर्सी तानातान

आतङ्कका मुद्दा सबै साँच्चै यो देशमा जारी छन्

जनतालाई थाती राख्छन् सबै बेइमान

मेलमिलाप भावनाको जब हुन्छ विकास

शान्तिसँग नेपालीले पिउँछन् चियापान

२०६५÷९÷१६

गरिबको झोपडी

नजर यता नफाल मुटु मेरो कल्पँदैन

संसारको रीतिरिवाज अल्झाएर अल्झँदैन

आकाश रुन्छ बर्षा हुन्छ पृथ्वी नै सिञ्चित हुन्छ

प्रेमी आँसु बर्सिदैमा प्रेम रोग सल्कँदैन

तिम्रो त्यो फूलवारीमा गुलाब फूल फुलिसक्यो

नपुंसकको पछि पर्दामा पुरुषत्व मल्कँदैन

तिम्रो मेरो मिलनको राम्रो साइत जुर्दाजुर्दै

दुई आत्माको दिव्यज्योति किन होला झल्कँदैन

सम्झना र बिर्सनाको सग्लो महल खडा गर्दा

गरिबको झोपडीमा हीरामोती टल्कँदैन