गजल अवसरवाद

नयाँँ कर्म जति भन सबै बासी छ

ग्रहदशा राम्रै रैछन् रास रासी छ

मौका प¥यो चौका हाने तारो लागि गयो

राजदूतसम्म बन्ने भएँ त्यो त खासी छ

निशाना छ अति दह्रो तारो लागि गयो

छक्कैमा छन् दुनियाँदारी हाँसो हाँसी छ

अस्ति थिएँ राजावादी अनि काँग्रेस माले

राजदूत बन्न माओवादी लिसो टाँसी छ

दर्शन फेर्दा कुर्सी मिले फेर्नु पर्दछ

पूण्य–पूर्ण वरदान लिन जानु काशी छ

२०६५÷९÷१३

सौन्दर्य

सारा तन प्रदर्शित गाला हेर्नुहोस््

हाँस पोथी लचक्दार चाला हेर्नुहोस््

रूपवती चारुवती लावण्यवती छु

श्वेत गर्धन झल्काउने माला हेर्नुहोस््

सर्वस्व दान तिम्रै लागि समर्पित छ

ज्यान छाडी अन्तजाँदा ज्याला हेर्नुहोस््

आकर्षणपूर्ण छु म सर्व गुणव्यापी

आवरण हेर्ने भए छाला हेर्नुहोस््

स्ववलम्वी, अनुशासित,मातृ काखमा छु

ईश्वरभक्ति मन्दिरको ताला हेर्नुहोस््

२०६५÷९÷१२

दायित्व

दायित्व हो कर्म गर्नु कर्म गर्दै जानुपर्छ

छानो हैन मानवले मानो मात्रै खानुपर्छ

लाउनु पर्दा मायाप्रीति पीडामात्र बोक्नुहुन्न

विश्व अघि अस्तित्वलाई मर्यादित लानुपर्छ

आचरण धारणमा विकृतिलाई बोक्ने हैन

बाटो छाडी अघि बढ्दा पीडादायी छानुपर्छ

प्रेमका कथाहरू लेख्दा(लेख्दै ग्रन्थ बन्ला

कर्तव्यको वर्णन गर्दा अस्तित्वमा रानुपर्छ

जति लेखौं संसारमा रति–मदन भोग्य कथा

नेत्रज्योति खोज्नुपर्दा कहिलेकाहीँ कानुपर्छ

२०६५÷९÷२२

तिम्रा आँसु

तिम्रा आँसु मोती बनुन् प्रिया

भावना त ज्योति बनुन् प्रिया

तिमी टाढा यात्रामा लम्कदा

लम्काइ त सोती बनुन् प्रिया

घायल प्यारीलाई दिएको

जहर ओखती बनुन् प्रिया

घायल छु मल्हम लगाउने

तिम्रै नै सगोती बनुन् प्रिया

उपहार दिन्छु भन्छ्यौ अरे

सुहाउँदो ल्योती बनुन् प्रिया